CEMMA na costeira do bonito. Un paso máis na investigación dos mamíferos mariños

Os buques “Irmáns García Nodal” e “Sebastián de Ocampo” do Servizo de Gardacostas dependente da Consellería de Pesca e Asuntos Marítimos, participaron na Costeira do Bonito co fin de prestar apoio técnico e sanitario aos 122 pesqueiros galegos que participan nesta campaña .
As embarcacións, por segundo ano consecutivo, levaron a bordo a un biólogo da Coordinadora para o Estudo dos Mamíferos Mariños (CEMMA), José Antonio Martínez Cedeira, experto cetólogo, que desenvolveu labores de observador para obter documentación e datos sobre avistamento de cetáceos e mamíferos mariños, que vai permitir obter os primeiros censos de cetáceos nos caladoiros de bonito do Golfo de Biscaia e do Gran Sol.
A TVG dedica unha emisión de “Natureza” para tratar este tema, con imaxes cedidas pola CEMMA.
Neste enlace pódese ver o resultado:

http://www.agalega.info/videos/?emi=4247&corte=2008-09-25&hora=14:15:00&canle=tvg1